“Myanmar Democracy a ngahnakding caah a dongh tiang kan doh lai” Mitch McConnell
The Chinland Post | 2022 April 8 – Kawlram Democracy suttung a phak tiang kan doh peng rih ko lai” tiah American Hluttaw Republican Party hruaitu Mitch McConnell nih a chim.
Ambassador to Myanmar Thomas Vajda le Mitch McConnell hna nih April 6 ah tonnak an ngeih dih hnu cathanh an chuahmi ah an telh chih.
Hramhram in uknak a latu SAC hi a mah a dohtu mipi kha faak deuh in a hrem chin hna tiah an chim. Kan hawile an simi Daw Aung San Suu Gyi le Australia chawleh lei ruahnak a cheutu Mr. Shaw Turnell hna telh in ramkhel lei thongthla pawl hna zong an thlah rih hna lo tiah Mitch McConnell nih a chim.
2021 December thla ah fehter a simi National Defense Authorization Act (NDAA) ah National Unity Government (NUG) le National Unity Consultative (NUCC) thapekding an telh chih caah lunglawm ngai a si tiah a chim.
American le a pawngkam ram hna nih zeitindah Myanmar ram bawmhnak kan pek khawh lai timi kong Thomas Vajda le Mitch McConnell biaruahnak an rak ngei.
Ref: RFA