Myanmar Democracy Thimnak le Chinram in Thimfung Thla Kho Tu Milu

Salai Bawi Lian Sang| TCP-Kalay| October 6, 2020| Myanmar ram Democracy thimnak cu 2010 kum in mipi thimfung(mee) thlak khawh a hung si. 2010 thimkum ah mee thla kho tu milu 29 million, ah mee thla mi  milu  22 million in zatuak 77.26% nih thimfung an rak thlak. 2015 kum Democracy thim kum ah mee thla kho  tu milu  34 million, ah Mee thla mi 24 million in zatuak 69.72% an si. 2020, November thla 8 ni ah mee pe kho tu milu 37 million hlei an si tiah rampi thimnak commission zung nih a chim. Mee cazing hi rampi commission zung nih October 1 in 14 tiang a hnu bik thawngthanhnak a tuah. Me cazi cu pengkip commission zung, online website le online application zong in zoh khawh a si tiah thawngtheih a si.

Chinram ah 2015 kum thimnak ah Chin ram kulh in thimfung(mee) a thla kho mi dihlak 275,418 an si I, 2020 kum ah thimnak ah thimfung(mee)a thla khomi dihlak 342,613 an si lai tiah thawng theih a si. Chinram kulh 2015 kum thimnak lio nak in 2020 kum thimnak ah mee thla kho ding milu(67,295) an i chap lai.

2020 kum thimnak ah Chin ramkulh pengkip in mee thla kho ding milu a karh ning ah cun: Hakha peng in mulu 7124, Thantlang peng in milu 5802, Falam peng in milu 8506, Tedim peng in milu 16,705, Tonzang peng in milu 5394, Mindat peng in milu 4649, Matupi peng in milu 8063, Kanpetlet peng in milu 1784, le Paletwa peng in milu 9268 an si lai tiah Chim ramkulh thimnak commission sin in theih a si. DVDTV.News/Chin State Election commission office

Na ruahning rak langhter ve.. (Leave a comment)

%d bloggers like this: