Myanmar Idol Season 4 Aa Zuammi Vote Pek An Ngah Cang

0

Myanmar Idol Aa zuammi Yaw Kee (77701), Benjamin Sum (77702), Esther (77708)/ Cropped by The Chinland Post

Myanmar Idol 2019 zuamnak Myanmar Idol Season 4 aa zuammi hna lak ah a thiammi minung (11) hlasaknak le duhmi thimfung peknak cu Zarhchiar Nilini (Thursday) zan 7:00pm tuzarh October 31, 2019 thok in MPT, Ooredoo, Mytel in vote pek khawh a si cang.  Hi vote peknak hi ramchung phone a hmangmi SMS in siseh, Mobile banking in siseh, Ramdang a ummi hna caah Visa le Master tbk global vote system in vote pek khawh an si cang tiah kan theih.

SMS in vote pek ning

Myanmar Idol Season 4 ahhin minung pakhat caah zuamnak number pakhat cio pek an si I vote pek a duhmi nih Vote 1 ah Ks.30 a dih lai. Vote pek vote 1, 5, 10,10 or duhzat kha vote pek khawh a si.  Chin ramkulh in minung (3) aa zuammi hna vote khawhnak Yaw Kee (77701), Benjamin Sum (77702)le  Esther Dawt Chin Sung (77708) hna an si.

Package cawkcia mi in cun duh zat vote pek khawh a si nain cawk lo in zapi hmanmi phone SMS in pek ahcun minung pakhat ah rikhiahmi vote zat lawng pek a ngah tiah vote zulhphung ah an langhter. Package icawk cia a duhmi nih na phone MPT,Ooredoo,Mytel tangka na ngeihciami in ph. 777000 ah Buy 10 or by 20 or Buy 50 or By 500 tbk duhzat in cawk hmasa ahau. Balance check na duh a sile 77700 ah Bal tiah kuat law vote na cawkciami tangka zoh khawh a si.

Na cawkciami Vote hman na duh ahcun ph. 777xx na kuat lai. (xx) zawn ahkhin 01 or 02 or 08 timi Yawkee, Benjamin Sum, Esther number te telhpiak a si lai. Package hmanglo in na phone sms direct in vote na pek ahcun anmah le number 77701 or 77702 or 77708 ahhin vote pek duhmi zat khah 1-5-10 tbk in na kuat khawh lai. SMS cun rikhiahmi vote zat lawng pek khawh a si tiah Myanmar Idol I vote pekning nih a langhter.

Myanmar Idol Vote Pekning Sample/TCP

Chin Ramkulh in aa zuammi hna hi Hakha in Esther Voting No. 77708, Mindat in Yaw Kee 77701 le Kalaymyo in Benjamin Sum 77702 hna an si. Myanmar Idol zuam chungah a lenglei Media sin ah biachim le vote pek dingin lemsoi a ngah lo tiah thawng kan theih.

Vote kong fiang deuh theih na duh ahcun anmah Myanmar Idol Official Facebook Page ahhin zoh khawh a si.

About The Author

Na ruahning rak langhter ve.. (Leave a comment)

%d bloggers like this: