Myanmar-India Ramri Gate Ah Border Pass An Tuahpiak Cang
TCP-Online| 2018 August 18| Myanmar-India ramri Gate simi Rihkawdar-Zokhuathar ramri gate in ramhnih kar phungningte in chuahluhkhawhnak Border Pass an tuahpiak cang hna.
Border Pass tuah a duhmi nih Rihkhawdar Lah-wah-kah (Immigration) zung ah hmatpungtin le ingthaungsuh (အိမ္ေထာင္စုစာရင္းမိတၱဴ) ken in Kyats 500 he an tuahpiak cang hna ti kan theih.
Rihkhawdar Information zung in Director Pu Lallawmma nih “tuan deuh khan cun Mizoram ah Visa tel lo phungninglo in rak luhchuah a si. Atu Border Pass tuahpiak a si cang caah phungningte in luhchuahkhawh a si i hna zong a ngam ngai cang. Mizoram lei zong nih Kawlram an van luh ah phungning te an lut kho ve cang lai” tiah a chim.
Tu i an tuahpiak cuahmah mi Border Pass hi kum khat Expiry a si i Kawlram mi nih Mizoram Champhai peng le Mizoram mi nih Chin ramkulh Falam peng hna ah ni 14 tiang rau in chuahluhkhawhnak Border Pass a si.
Ref: Khonumthung
About The Author
