Myanmar-India ramri gate hna ah India nih zonfelnak (Security) a rengh
The Chinland Post | 2022 June 24 – Myanmar le India ramri Mizoram State, Zawngling khua ah June 22 thok in India ralkap nih zohfelnak an tuah i Myanmar lei zong ah ralkap pawl nih Zawngling tiva tiang an rak phan i thazang an chap tiah Mizoram thawngzamh nih an langhter.
SAC ralkap pawl an rak phaknak zawngling tiva cu India, Mizoram le Matupi peng, Lailenpi khua a dantertu tiva a si.
“Lailenpi ah SAC ralkap sakhaan a um. Palik umnak zong a um. Cun mipi hriamtlai phu nih an um. CDF-Mara le Maraland Defense Force (MDF) tiah an um. Kahdohnak hi cu voikhat hmanh a chuak rih lo. Atu Lailenpi ah SAC ralkap pawl nih thazang an chapmi hi ramri gate an phih duh caah a si men lai” tiah Matupi khuami 1 nih Mizzima ah a chim.
Ramri gate hna ah hriam le rit sii atu le atu tlaih a si ruang le phungning lo thil pawl tlaih a si caah India ramri hngaktu ralkap nih zohfelnak (Security) an renghnak a ruang zong a si lai tiah khuami hna nih an chim.
A hlan ahcun, Mizoram cozah nih zohfelnak ngei loin umkalnak nawl a pek caah Matupi peng ah a ummi ralzaam hna le thlopbul a duhmi zalong tein an umkal kho.
Atu cu India ralkap nih zohfelnak an rengh caah ralzaam pawl ca hmanh ah umkal a har tuk cang tiah theih a si.
About The Author
