Myanmar Nu A Thihnak Kongah New York Palek Nih Lunghrinhmi Pahnih An Tlaih

TCP-Thantlang| 2018 Tho 28| America ram New York khuapi Brooklyn innchung pakhat ah July thla chungah thah a rak tongmi Myanmar rammi Nurse sayamah pakhat a thihnak kongah lunghrinhmi nu pakhat le pa pakhat cu palek nih an tlaih hna tiah theih a si.

Kum 23 a si mi Annika Cansino le a Darling a si mi kum 21 Alexander Alberda cu mithah lainawnnak le khumh erhnak case (hmuh) in nili ni ah tazacuai an si cang tiah palek tuanvo ngeitu pakhat nih a chim.

Suny Downstate sii-inn ah rian a tuanmi Myanmar nu kum 58 Nurse sayamah Daw Kyi Ma Thein a ruak cu July 21 ah a ihnak khan bizu chungah puan in aa tuam bu in palek nih an rak hmuh. Ni thum hnu ah rian a tuannak ah a ra ti lo tiin a riantuan hawi le nih palek sinah an chim tikah amah inn lila ah a tubantuk in a ruak in an hmuh hi a si.

Daw Kyi Ma Thein a thihnak kongah amah he hmunkhat Suny Downstate sii-inn ah a kai ti lengmang mi Annika Cansino le a darling pa Alexander Alberda cu palek nih an lunghrinh hna caah an tlaih hna hi a si. Daw Kyi Ma Thein cu milung thiang le mi tha te a si tiah a inn pawngkam a um mi hna nih AP Media sin ah an chim.

Ref:VOA

Na ruahning rak langhter ve.. (Leave a comment)

%d bloggers like this: