Myanmar Press Council Le Chin Media Rampi Suttung Phunli Kongkau Ceihmainak An Ngei

0

Salai Elvis| 2019 April 25| April 24-25 tiang Myanmar Press Council (MPC) le Chin Media cu rampi suttung (hman-taing) a si mi, Uknak, Upadi sernak, biaceihnak kongkau le Media an rian le an sining kongkau ton biaruahnak an ngei tiah kan theih.

Hi ton biaruahnak ah MPC le Chin Media cu April 24 ni ah a hlankan in Chin Media dirhnum, an sining le Chin ramkulh cozah he an i pehtlaihnak kongkau timhtuahnak le biafunnak an ngei chung i April 25 ni ah Chin ramkulh cozah tuanvo ngeitu hna sinah biafunnak cu chimphuannak an ngeih hnu ah hmunkhat te ah ruahtinak zong an ngei.

April 25 ni tonbiaruahnak chungah Chief Minister Salai Lian Luai le Hluttaw Speaker Pu Zo Bawi zong sawm an si nain khuallian tlungding a si caah mah ni ah an ra kho lo. Mah ni ah MPC haotu bik a si mi Hantharwady U Ung Gyain nih biarocahnak, MPC Vice Chairman Dr. Myo Thant Tin nih suttung phunlinak a si mi Media kongkau le MPC Secretary a si mi U Kyaw Swa Min nih suttung phunli kongkau le a tubantuk tuahhnawh channak kongkau fianternak an ngei.

Chief Minister Salai Lian zaka ah Minister Mang Hen Dal nih biachimnak, Hluttaw Speaker Pu Zo Bawi zaka ah MP Pu Van Thawng nih biachimnak, Upadi bawizik Sunny Thang Cung le ramkulh biaceih bawi U Win Myint Kyaw zong biachimnak an ngei. Atubantuk in MPC nih rampi huap in Media hna he suttung phunli kongkau tonbiaruahnak hmundang ramthen le pengkulh pariat ah tuah a si hnu avoi kuanak Hakha ah an tuah hi a si. Atangmi hmun dang zongah tuah than an i tim tiah kan theih.

About The Author

Na ruahning rak langhter ve.. (Leave a comment)

%d bloggers like this: