Myanmar pumpi ah khiangh piak a simi inn 30,000 hrawng a um cang

0

The Chinland Post | 2022 July 28 – Hramhram in uknak lak a si hnu kumkhat le cheu leng caan chungah inn 30,000 hrawng khangh piak a si cang tiah Institute for Strategy and Policy (ISP-Myanmar) nih July 25 ah a thanh.

Hramhram in uknak lak a si hnu 2021 February 1 in 2022 July 15 tiang biakinn le inn 28,419 a kaang cang tiah a langhter.

Cu chungah Sagaing ramṭhen hi inn 20,000 leng (20,489) a kaang i Myanmar ram pumpi ah inn khanghpiak a tambik nak hmun a si tiah a langhter.

Magway ramṭhen ah inn 6,00 deng (5,709) khangh piak a si i Myanmar ram pumpi ah a pahnihnak khanghpiak a tambik a si.

Chin ram, Kayah ram, Shan ram, Mon ram, Mandalay ramṭhen, Taninthary ramṭhen, Bago ramṭhen le Karen ram ah inn 2,00 leng (2,229) nak tlawm lo hrawh/khangh piak a si tiah ISP-Myanmar nih a langhter.

Atu bantuk inn khanghpiaknak hi 2022 May thla ah a tambik a cang tiah a chim.

SAC biachimnak nawl a ngeitu Major-General Zaw Min Htun nih cun ralkap nih mipi inn le biakinn a khang lo tiah 2022 April 7 ah a rak chim.

About The Author

Na ruahning rak langhter ve.. (Leave a comment)

%d bloggers like this: