Myanmar Ralkap Lutlai Fale Pawl American Luhnak Nawl An Hmu

TCP-Kalay| 2018 August 13| American ramkomh cozah nih Myanmar ram cung ah a chiahmi phihkharnak le dantatnak pawl cu President Trump cozah nih tlamtlingte in an zul lo tiah American ramkhel media phukhat a simi POLITICO nih August 10 ah a thanh.

Phihkharnak upadi ning in Myanmar ralkap chung in lutlai hna le an chungkhar vialte American ramchung luhnak visa pek lo ding in a khamnak kumkhat a si cang. Asinain, senator pawl sin in hmuhmi tette ning in cun tukum January thla in atu tiang American cozah nih Myanmar ralkap lutlai pawl telh in pension a la cangmi le a tu lio ralkap rian a tuan cuahmah rihmi lutlai cheukhat in an fale a tlawm bik minung 5 cu American ramkomh ah an ra i khua an sa tiah an chimphuan.

Myanmar ralkap lutlai pawl phihkharnak upadi an tuah ko nain American ramleng ministry zung nih miphun sipuazi thanchonak caah mi pumpak in ramchung luhnak visa pek khawhnak nawl a ngei.

Atu lio ralkap lutlai bohmuchoh pakhat fapa cu hmailai ah Bio Science lei research caah hruaitu pakhat a si kho, cu ruang ah American miphun thanchonak a si kho lai ti in ramchung luhnak visa an pek. Cu bantuk in Bohmuchoh pakhat i a fanu zong social relation fimthiamnak a cawnmi hi Myanmar ram caah man a ngeimi a si caah American thanchonak caah he aa tlak ti in a dangte in visa an pek hna tiah theih a si.

Cu bantuk in ralkap lutlai fale pathum zong American ramchung luhnak visa an pek hna tiah POLITICO media nih a thanh. Washington Myanmar embassy zung ah rian a tuanmi ralkap lutlai fanu pakhat zong ramleng ministry zung nih visa pek awk a si tiah a chim. Cu pin ah Myanmar ralkap lutlai hna fanu a tlawmbik minung pahnih zong visa an pek hna tiah an chim.
Ref: RFA

Na ruahning rak langhter ve.. (Leave a comment)

%d bloggers like this: