Myanmar Ralkap Policy A Zamhtu Account 20 Renglo Facebook Nih A Phih

The Chinland Post| 2018 Tho 16| October 15 ah Facebook nih Myanmar ralkap policy a zamhtu le adeu a simi Bauty and Entertainment pages le account 20 renglo kan phihpiak (a ban) hna tiah a thanhchuah.

Hi cathanh chuahmi ah apge 13 le account 10 an i tel i Myanmar ralkap policy zamhnak tel in ningcanglo timhciammam te in catarmi he an i pehtlai tiah an langhter.

Myanmar ralkap lutlai 700 nak tlawmlo facebook account min tampi hmang in thawngpang diklo, huatnak bia tibantuk policy zamhnak cu kum tampi timhciammam te in an tuah cang tiah the New York Times nih a hmuhchuah.

Phih a tongmi page lakah Beauty and Classic, Sayamah pawl ralkap hmanthlak pawl khawmhsuatmi Moe-nat-min tibantuk page hna hi hnuzultu (follower) tambik an si. Page 13 zapi hi follower nuai 1.35 tluk a si tiah an thanh. Hi account vialte hi ralkap policy zamhnak caah tuahmi an si tiah theih a si.

Beauty and Classic aa lawhtermi ralkap policy zamhnak page hna cu phihpiak an si i hi page hna cu Myanmar ralkap policy zamhnak caah an hmanmi a si tiah kan hmuhchuah tiah facebook nih a blog spot ah a langhter. Myanmar ram ah kanmah platform cung in kapkhatlei hlennak le policy khuhchilhnak um kho lo ding in kan tawlrel lai bantuk in hi bantuk a diklomi cawlcangh tuahsernak hna hi kan chekhlat lai i dantatnak kan tuah lai” tiah Facebook nihcun cathanh a chuah.

Facebook nih August 27 ah followers 1.3 nuai renglo a ngeimi Myanmar ralkap lutlai zik Senior General Min Aung Hlaing account telh in minung pumpak le mibu telh in account 20 an hnon i an phihpiak hna. Cu lio ah Myanmar ramchung ah tih a nung tukmi nuhrin covo buarnak an tuah ruang ah account pawl kan phihpiak hna hi a si tiah an thanh.

Phih a tongmi lakah minung nuai 12 tluk follow a ngeimi facebook page 52 le facebook account 8, Instagram account 1 an i tel. Hi pin ah Myanmar ralkap thawngpang kong a thanhtu page 46 le ralkap he a pehtlaihmi fake account 12 zong kan hnonpiak hna tiah an thanhchih.

A luancia zarh ahkhan facebook nih American ramchung ah thawngpang dik lo a thanhtu account le page 800 renglo a phihpiak hna.
Ref: VOA, Duwun, New York Times

Na ruahning rak langhter ve.. (Leave a comment)

%d bloggers like this: