Myanmar Ralkap_Nawl (Aana) Kan La Lai Lo Tiah Chim Awk Tha Lo

0

Ralkap Chimrelnak Nawlngei Boyoke Zawminthun/Irrawaddy

Salai David Van| TCP-Hakha| 2021 January 26|  Rampi thimnak buaibainak kongah a tulio teinak a hmu mi NLD party nih tha tein an tawlrel lo cun ralkap nih ‘Aa Naa’ kan la lai lo ti chim awk tha lo tiah ralkap thawngzamh chimrelnak nawlngei Bogyoke Zaw Min Htun nih nihin thawngzamh fianternak ah a chim.

Nihin Naypyidaw ah an tuahmi thawngzamh fianternak  hmun ah thawnglatu pakhat nih “thimnak kongkau he pehtlai in ralkap lei nih fak piin nan lungtlinlonak nan langhtermi ruangah ram mipi nih lungrethei ngai in ralkap nih ‘Aa Na’ an la than sual lai maw” timi biahalnak ah a tu bantuk in bialehnak a tuahmi a si tiah theih a si.

“Nawl ngeihnak (Aa Na) kan la lai lo tiah chim awk tha lo. Ka chimcia mi chung zong khan a tel cang. Ralkap cu rampi phunglam le phunghram telh in hman lio mi phunglam zong kan zulh ko lai tiah” Bogyoke Zaw Min Htun nih a chim.

Aluancia 2020 November 8 ah tuahmi rampi thimnak ah elhniar awktlak mee cazin a palhmi dihlak 8.6 million tluk a um tiah nihin thawngzamh fianternak hmun ah a chim.

Ralkap cu “Doh Tavuan A Yee  Tung Pa” , phunglam le phunghram kilkamh dingah tuanvo kan ngei ti zong nihin thawngzamh fianternak hmun ah Bogyoke Zaw Min Htun nih a chim nolh.

Ref: Irrawaddy

About The Author

Na ruahning rak langhter ve.. (Leave a comment)

%d bloggers like this: