Myanmar ram ah Covid-19 in minung 1 a thi, Hakha peng Covid-19 cawlcanghnak cu dirter a si cang

0

The Chinland Post | 2022 December 30 – Myanmar ram nikhat chungah Covid-19 mizaw thar 5 an hmuh chap hna tiah SAC kuttang Ngandamnak zung nih December 25 zaanlei ah a rak thanh.

Sml 24 chung ah Laboratory samples 3,369 an check lio ah mizaw thar 5 an hmuh mi a si i zawtnak rungrul an hmuhmi hi 0.15% a si.

Covid-19 zawtnak in a thi chapmi minung 1 a um caah Covid-19 in a thi cangmi minung 19,490 an si tiah a thanh.

Myanmar ram pumpi in Covid-19 zawtnak aa chawnhmi 633,612 an um i zawtnak in a dam cangmi 608,212 an si tiah cathanh ah a telh chih.

Cun, Hakha peng chung Covid-19 cawlcanghnak cu dirter a si cang tiah Hakha Township Public Healthcare & IDPs Management Committee rianngeitu pakhat nih The Chinland Post ah a chim.

“Hakha peng chung Covid-19 cawlcanghnak cu 2021 June 24 in rak thok a si i mizaw hna caah Covid-19 center siseh, mizaw an umnak innkip ah oxygen pekchanhnak hna kan rak ngei kho. Hakha peng chung ah Covid-19 mizaw an um ti lo ruang ah 2022 April 1 in Covid-19 cawlcanghnak cu dirter a si”

SAC nih a thanh mi cazin hi CDM sizung pawl, CDM Laboratory ah check mi aa tel lo in SAC kuttang ralkap sizung lawng ah check mi a si caah zawtnak i chawnhnak le a thi mi he pehtlai in a fiangmi cazin theih a si lo.

About The Author

Na ruahning rak langhter ve.. (Leave a comment)

%d bloggers like this: