Myanmar ram ah hramhram in uknak lak a si hnu ah bom le raltuknak thilrii ruangah hngakchia 115 an thi tiah UNICEF nih a thanh

0

The Chinland Post | 2022 June 27 – Myanmar ram ah 2021 February thla thok in vawlei tang phummi bom le raltuknak thilrii ruangah hngakchia 115 an thi cang tiah UNICEF nih June 24 ah a thanh.

Magway ramṭhen, Gangaw ah bom a rak puak i kum 7 hngakchia 2 an thihnak kong he pehtlai in UNICEF nih a thanhmi a si.

UNICEF thanh ning ahcun 2022 January in April tiangah vawlei tang phummi bom le raltuknak thilrii ruangah a thimi 47 an si tiah a thanh.

“Bom pawl le raltuknak thilrii hna cu Myanmar ram hngakchia an nunnak a thah bantuk in pum tlamtlin lonak zong a chuahter” tiah UNICEF nih theihternak a tuah.

Cucaah aa khawngdengmi hna caah bawmhnak tlamtling tein a phak khawhnak hnga, vawlei tang phummi bom pawl hman lo le raltuknak lei thilrii pawl thianh ding tiah forhfialnak a ngeih chih.

About The Author

Na ruahning rak langhter ve.. (Leave a comment)

%d bloggers like this: