Myanmar Ram Baht 4Billion A Cawihmi Ruang Ah Thai Prime Minister Hlun Thaksin Thongdan Kum 3 An Pek
TCP-Hakha| 2019 April 24| Thai prime minister hlun Thaksin Shinawatra cu Myanmar ram kha Thai tangka 4billion a cawihmi caah Thai ram central biaceih zung nih thong kum 3 tla ding in a bia an ceihpiak.
Hi tangka 4billion a cawihnak ah a karh kha tlawmte in zatuak 3% lawng in a laak, hi tangka cawihmi in a chungkhar ngeihmi Shin Satellite company in pehtlaihnak thilri pawl a cawknak than caah atu bantuk in thong kum 3 tla ding in bia an ceihpiak le nawl an chuah hi a si tiah Thai PSB media nih a thanh.
Prime Minister hlun Thaksin cu ramleng i a zaamnak a sau cang caah atu bantuk in bia an ceihpiak hi a si. 2014 kum ah tangka a cawih hi a si. Hi case cu kum 10 renglo an hlat cangmi a si i 2019 April 23 lawng ah biakhiahnak an tuah khawh.
Hiti 4billion a karh tlawmte in a cawihmi ruang ah Thai finance ministry zung caah baht 189,125,000 renglo an sung.
Thaksin hi Prime minister rian a tuan chung ah nawlngeihnak ningcanglo in a hman tiah biaceih zung nih biakhiahnak an tuah i 2008 October 21 ah thong kum 2 tla ding in bia an khiah.
Cu lio ah amah-khan in ramleng ah a ummi Thaksin cu central biaceih zung nih cuti biakhiahnak le fehternak an tuah hlan deuh te ah ramleng ah a zam hi a si.
Ref: Duwun
About The Author
