Myanmar Ram Covid-19 Thla(6) Chung Mahte Thahnawnnak Minung (1000) Hlei An Um

Salai Bawi Lian Sang| TCP-Kalay| October 30, 2020| Myanmar ram covid-19 pulrai a thawk ni March 31 in October 7 tiang thla(6) chung ah minung(1000) hlei nih mah te in aa thah mi an um cang tiah Myanmar Palik zung nih DVB ah an chim.

Mah thla(6) ah Mahte aa thahmi(1030) chung in Pa (834) le nu (198) an si.

Mah tea a thahmi ah, Mandalay ramthen in minung(147) a tambik le Bago ramthen in minung (140), Ayewaddy ramthen minung( 107), Shan ramkulh minung (102), Yangon ramthen minung(101), Magwe ramthen minung( 82), Sagaing ramthen minung(72), Tanintharyi ramthen minung(66), Rakhine ramkulh minung (50), Mon ramkulh minung (50) Kachin ramkulh minung(43), Naypidaw in minung (40), Karen ramkulh in minung( 22) le Kayah ramkulh minung (4), le Chin ramkulh in minung(4) hi mah tein aa thah mi an si tiah theih a si.

Mah te a thah mi chung in Kum (26) in kum (40) tiang ah minung (376) an tam bik. Kum (40) in cunglei minung(366), Kum (19) in kum (25) tiang minung(177), Kum (11) in kum (18) tiang minung(109) le kum (10) minung (4) hi a tlawm cem an si.

Mah te aa thahmi hna a ruang bik cu ngandam lo nak ruang in minung(222)hi a tam cem an si I pumpak harnak ton in ningcang lonak ruang ah minung (211), Sipuazi/pawcawnnak harsa tuk ruang ah minung (197) le Zuu din ruang ah minung(184), lungretheih ruang ah minung(143) le Lungzornak ruang ah minung (73) hna an si.

Mah chung in Hri-awt miung(878), Tihsi din minung(96), mah te in nam sawhmi minung (23), Ti va chung zuangmi minung (11), Inn cung in zuammi minung(10), Mah te in meithial in aa kap mi minung (8), Mah te in mei aa khanghmi minung (2), Tlanglawng aa rial ter mi minung (2) an si tiah Myanmar ram palik sin in theih a si.Ref: DVB TV News