Myanmar Ram, Covid-19 Zawtnak Hmuh Hnu Thla 3 Chungah 470 Hlei Nih Mah le Mah Ithahnak An Ituah

TCP- Online–Covid-19 pulrai ruangah lungretheihnak, lungzawtnak, chawlehnak tlamtlin lonak le pawngkam he tlamtlin lonak ti bantuk harnak tampi a um caah mah le mah nun ithahnak hi chungah vawlei ramkip ah tam ngai an karh. Cu ve bantuk in Myanmar ram chung zongah covid-19 zawtnak an hmuh hnu March 23 in June 22 tiang, thla 3 chung ah minung 470 hlei nih anmah le nun ithahnak an i tuah tiah DVB thawng zamh ca nih June 25 ah a langhter.

Mah le mah nun ithahnak aruang an hlathlai i zohfelnak an then tikah lungretheihnak, ngaihchiat, lungzur le lungnuamh lonak ruangah ithahnak hi tam bik, minung 122 an si. Cu nih a van zulhmi cu pawngkam, chungkhar ti bantuk kar ah tlamtlin lonak ruangin aa thahmi hi 116 an si. Cun, taksa pum ngandam lonak ruangah aa thahmi hi minung 78 an si. Chawlehnak lei tlamtlin lo ruangah aa that mi hi minung 73 an si i zuu ruangah aa thahmi hi 65 an si. Lungzawtnak ruangah mah le mah nun aa thahmi mi hi 7 an si.

Hi mah le mah aa thahmi 470 hlei ah 382 cu pa an si i nu cu 88 an si tiah theih asi. Hi bantuk mah le mah ithahnak a tam deuhnak cu Mandalay ramthen ah 73 an si i Pegu, Yangon ramthen le Shan ramkulh hna an si.

Myanmar ah covid-19 zawtnak a ngeimi hi 337 an si i Covid-19 pulrai in a thi mi hi minung 6 an si.

Ref: DVB

Na ruahning rak langhter ve.. (Leave a comment)

%d bloggers like this: