Myanmar Ram Eihmuar Report Vialte Lakah Pyi-htay-zi Zung A Tam Bik

0

The Chinland Post| 2018 April 1| Kawlram chung eihmuar zorternak committee sin thlathum chung report tuahnak ah voi 1700 leng a um i hi chungah Pyi-htay-zi (thuai-oh) zung in eihmuar report a tambik tiah theih a si.

2018 January thla in March 30 chungah ei hmuar report 1781 a um i hi chungah Pyi-htay-zi (thuai-oh) zung lei report voi 500 leng a um tiah Naypyitaw eihmuarnak dotu committee nih thawngfianhnak ah an chim.

Pyi-htay-zi zung hi a tambik a si i a pahnihnak ah biaceih zung an dikfel lonak kong report 300 leng, cinthlak le zuatkhalhnak zung report 300 leng, fimthiamnak zung report 48, ramri pehtlaihnak lei zung in 27 le Company lei report voi 100 leng a um” tiah Committee in Daw Lay Lay Tun nih a chim.

“Reportnak hi a dik takmi a si maw tiah zohfelnak kan ngei. Cun hi kong ah aa pehtlai mi zung kip cio ah kan pek rih hna. Cheukhat reportnak ca cu dantat khawh a si lo mi 261kan chiah rih’ tiah a cunglei upa nih a chim.

Thlathum chungah report nak voi 1700 leng a um mi chungah 949 hi Committee upadi he aa pehtlaih lo caah dantatnak nawl an ngei lo, 479 lawng hi dantatnak nawl an ngeih caah tuanvo ngeitu rampi, ramthen le penguk zung cio hna sinah report nak ca kuat in an zohfel lio hna a si.

Eihmuar dotu hna nih nichiar thawngthanhca chuak mi chungah aa tial mi paoh zohfelnak kan ngei ve. Cu tikah Media hna nih an tialmi hna hi tha tein kan i chiah i eihmuar kong ah pakahtkhat a um ahcun eihmuar dotu hna nih upadi ning in dantatnak kan tuah lai. Eihmuarnak kongah Media he kan i bawm hna lai,” tiah eihmuar dotu committee Chairman U Han Ngunt nih a chim.

Eihmuarnak kongah report mi cu tuanvo ngeitu zung hna sinah kuat in an zohfel lio a si i ni 60 chungah dantat ding a fiang lai.

“Report nan tuah hna tik zongah zeitin dah an pek, zeiruangah dah an pek, tangka zeitin dah a hal hna timi tiang in a tlin hau , phundang in Video le aw (record) zong in hmuhsak nak tuah khawh a si” tiah U Khine Maung Myint nih a chim.

President thar U Win Myint zong nih a voikhatnak biarocah a chimmi chungah eihmuar doh ding in March 30 ah a chim.

Ref Irrawady

About The Author

Na ruahning rak langhter ve.. (Leave a comment)

%d bloggers like this: