Myanmar Ram Fimcawnnak Caah EU Nih Euro 221 Million A Bawmh

0

TCP-Hakha| 2019 March 22| Myanmar ram fimcawn thiamnak cawisannak simanking he pehtlai in chawva bawmhmi hnatlaknak biahren minthutnak cu March 21, Naypyidaw ah an tuah. EU (European Union) nih Euro 221 million (Kyats 382 billion renglo) a bawmh.

Hi biahrennak minthut tuahnak ah Rampi ruahnak petu Daw Aung San Suu Kyi pumpak aa tel i EU in ambassador pawl an i tel.

Biahrennak tuahmi mithut ah Myanmar ram fimcawnnak le thiamsannak kongkau a hrampi cawisan ding simanking rian tuannak caah bawmh a si. Bawmhmi Euro 221 million ah budget bawmhmi 175 million (Kyats 300 billion), chapmi bawmhnak euro 46 million aa tel.

A hrampi cawnnak siangniamrun, sianglairun, siangsangrun fimcawnnak thlennak le chekfelnak rian, technology (IT) le pawcawmnak rian thlenremhnak, rian sernak le siangngakchia umnak inn saknak, cachimtu kuttlaih le sianginn cawn dingmi text, cachimtu hna training peknak tibantuk thlenremhnak caah ADB, World Bank, I-IDEA hna he i bawm in an tawlrel lai tiah theih a si.

Ref: Duwun

About The Author

Na ruahning rak langhter ve.. (Leave a comment)

%d bloggers like this: