Myanmar Ram Huap In Thimnak Ah MP Candidate (7023), Independent In (282) Le Chinram chung Hluttaw Thutdan (39) Ah MP Candidate (210) An I Cuh Lai
Photo credit: Salai Joseph
Salai Bawi Lian Sang|TCP-Kalay| August 31, 2020| 2020 kum Kawlram thimnak (2020 Myanmar General Election) ah Hluttaw Candidate a cuh dingmi Nyipataw Council telh in Region/State (14) lak ah Shan State Candidate minung (1037) tambik pakhatnak, Yangon Region in Candidate minung(956) pahnihnak le Sagaing Region in Candidate ii (684) in pathumnak a tam cem hmun an si hna.
Ram pumpi Pyituh Hluttaw Candidate mi (1945), Amyotha Hluttaw Candidate mi( 986), Region/State hluttaw candidate mi (3878) le Tlangcungmi (Yiya Winci) Candidate mi(214) le Hluttaw Candidate dihlak(7023) le Independent Candidate (282) an si tiah Ramkomh Commission zung in U Myint Niang nih MRTV news ah a chim.
Chin ram ah 2020 kum thimnak ah Peng (9) chungum Hluttaw Candidate min cazin zong August 30 ah fianghternak an tuah cang. Chinram Pyine Hluttaw in Hmun(18), Pyithut Hluttaw in hmun(9), Amyotha Hluttaw in hmun(12) an dihlak fonh(39) hmun ah minung dihlak (210) nih thimnak an i cuh lai.
Chinram ah Hluttaw hmun tambik a cuh dingmi Party hna cu NLD hmun 39, CNLD hmun 37, USDP hmun 36 hna an si I ramkhel Party dihlak (12) le Independent in (17) an si. Mah hna chung in Nu candidate 18 an i tel. Chinram chung um Ramkhel Party hna cu National League for Democracy ((NLD), Union Solidarity and Development Party (USDP), Chin National League for Democracy (CNLD), Zomi Congress for Democracy (ZCD), Zo National Region Development Party (ZNRDP), Khumi (Khami) National Party (KNP), Chin National Party (CNP), United Democratic Party (UDP)၊ National Unity Party (NUP), Ethnic Nationalities Development Party (ENDP), Union Betterment Party (UBP) le Peoples’ Party (PP) an si.
Chinram ah Me sandah ne(39) a um i, Me zung dihlak 1100 ah me thla kho dingmi 340,000 hlei an um tiah Chinram thimnak (Election Commission) zung in thawng kan theih.
