July 24, 2024

Myanmar Ram Kuva ကွမ်းယာ Dawr Cheukhat Ah Bing An Telh

0

The Chinlandpost | 2023 August 16 — Nihin Myanmar ram buai lio ah khuapi kuva dawr cheukhat cu an kuva thaw deuh seh tiah Bing an telh tiah theih a si. Bing telh mi kuva a ei cang mi nih cun hmundang kuva an ei duh ti lo tiah Kalaymyo, Tamu Khampat kuva zuar mi cheukhat dawr sin in theih a si.

Myanmar ram kuva ah Kuva hnah, Kuanti, Thung, Sahdah le chemical phunphun, zuu he ciah mi sahdah hnah le India ram in a ra mi 92, phala, sii phungtling an telh caah Ha, Hmur, Hmai, Lei Cancer le Kal Cancer zawtnak a ngei mi  Myanmar ram ah an tam cang.

Kuva ei ruang ah ha a sen, an hmur le ka zohchia ngai in a um. Pawngkam a remnak hmun le zapi umkalnak hmun ah kuva hang sen cil an chak. Pawngkam inn le lam zohchia tak in a um. Mihmai ah cilchak zong hi zoh a chia taktak. Hlan ramchung ah  Kuva 8 ah kyat 500 a si tawn mi cu, nihin ah kuva 6 ah kyat 700 a si cang. Lai lei khuate lehbang ah kuva 6 ah kyat 1000 a si cang. Kuva aa thlah kho ti lo mi nih nikhat ah kyat 2000 man an khai ahcun thlakhat ah kyat 60000 leng tangka an hman caah innchungkhar le ngandamnak caah tih a nung ko.

About The Author

Na ruahning rak langhter ve.. (Leave a comment)