Myanmar Ram License Ngeilo Motor Pawl Dan An Tat Cang Hna Lai
City Hunter| 2018 June 25| Myanmar ram pumpi in phungki/biaknak upa hna le zatlang mibu pawl nih an hmanmi phunglutlo license ngei lomi motor paoh cu ralrin peknak thlakhat a dih hnu cun upadi ning he dantat ding ah tuanvo ngeitu cozah nih nawl an chuah. Cu ruang ah license ngeilo motor hmangtu zatlang mibu cheukhat cu motor hmang ti lo ding in an nawlter hna.
Myanmar ram cheukhat hmun ah zatlang mibu tazeih aa benhmi motor in phunglutlo thing phortu, rithai-sii phortu pawl kan hmuh hna caah tuanvo ngeitu nih zatlang mibu pawl license ngeilo motor pawl an hman cun tlaih ding in nawl an chuah.
Magwe ramthen le Mandalay ramthen chung ah a ummi zatlang mibu min in license ngeilo motor a hmangmi le phungki sianginn tazeih benh in a mawngmi license ngei lo motor pawl cu thlakhat caanpek dih in cun tlaih dih cang ding in Pyi-htay-zi ministry zung tang ah a ummi htwe-oh zung pawl nih tuzarh chung ah khan nawl an chuah.
Mandalay in a ngan bik zatlang mibu pakhat in khuahun Dr. Win Myint nih, “Zatlang mibu motor pawl hi chan he aa tlak in hman a herh ruang ah a chuakmi a si. Cucaah, upadi buar in a tuahtu le a hmangtu zapi cu dantat awk an si ko. Cozah hlun chan ahkhan zatlang mibu motor pawl cu HSE number in license chuahpiak a si bantuk in biaknak lei motor pawl cu RLG number in chuahpiak a si. Sihmanhsehlaw, ngunkhuai halmi khuapi mibu nih a caantanhte in an tuah khawh i khuate lei mibu hna hi hnu deuh ah a chuakmi mibu an si caah license an ngeih lonak hi a si” tiah a chim.
Zatlang mibu motor pawl hi peng pakhat ah motor 50 in 100 kar tiang a ngeimi peng an um tiah zatlang mibu hna chimning in theih a si.
Myanmar ramchung ah zatlang mibu hna nih khuate ah mizaw phorhnak motor hi ngeih lo awk tha lo in an herhmi a si ruang ah
upadi buar in riantuantu zatlang mibu motor pawl cu fakpi in dantat awk an si bantuk in biatakte in rian a tuanmi zatlang bu hna cu cozah nih hngalhpimi license tuahnak nawl pek ding in an chuahpi than lai tiah theih a si.
A luancia kum 5 chung, Kalay ah license ngeilo motor hmang in sualnak a tuahmi an um bantuk in cu ahmuh chung ah palek zong an i tel caah khungzung ser in dantatnak tuahmi zong an um. Kalay palek sakhaan nih palek pahnih cu an tlaih hna. Cu bantuk thil a chuah hnu ah Naypyidaw in thlahmi special palek phu nih Kalay ah ra in chekhlatnak an tuah i a dang palek pahnih dan an tat chap rih hna.
Kalay ah license ngeilo motor 25 an tlaih i an chuh cang hna. Palek lutlai 10 nak tlawmlo zong special khungzung ser in chekhlatnak an tuah cang hna.
Ref: BBC Burmese
About The Author
