Myanmar ram rianṭuantu 900 Thai ram ah luhnak nawl an ngah nain phungning loin a lutmi pawl tlaih an si rih

The Chinland Post | 2022 June 21 – Thai le Myanmar hnatlaknak (Memorandum of Understanding (MOU) Myanmar ram rianṭuantu 900 June 20 ah Thai ram an lut kho cang.

No.2 Thai-Myanmar pehtlaihnak hlei in rianṭuantu 400 phukhat, 500 phukhat in tiah phuhnih an lut kho i MOU rianṭuantu a lutmi a tambik an bik an si i luhnak nawl zong hlei cungah tawlrel dih a si tiah Mae Sot khua hrambunh JACBA hruaitu U Moe Kyo nih RFA ah a chim.

Golden Royal Mandalay company MOU rianṭuantu 400 cu Thai ram Phetchaburi khua ah a ummi Electronic sehzung ah rian an ṭuan lai.

Cun Thit Htoo Ze company in MOU rianṭuantu 500 zong Thai ram ah rianṭuannak nawl an ngei lai tiah a chim.

Covid-19 rai ruangah kum 2 leng MOU rianṭuantu kuatnak a dir. Atu May 10 thok in kuat ṭhan a si cang i June 20 tiang ah MOU rianṭuantu 47,05 Thai ram ah rianṭuannak nawl an ngei cang i thilṭhitnak, innsaknak, eidin, Electronic lei rian hna ah kuat an si lai tiah U Moe Kyo nih a chim.

Thai ram rianṭuannak lei zung nih Myanmar ram rianṭuantu sing 1 rian auhnak nawl a pek.

Cu chungah, Myanmar-Thai ramri ah phungning loin a lutmi Myanmar ram mipi tlaih lengmang a si i zarh 3 chungah minung 1,500 hrawng tlaih a si tiah U Moe Kyo nih a chim.

Ramhnih hnatlaknak MOU in luh a ngah ko nain MOU lam hi a rau tiah a chim. May 10 in June zarhhnihnak tiang MOU rianṭuantu 3,500 leng Thai ram ah phungning tein rian an ṭuan kho.

A luancia May 1 in May 24 tiang Thai ram ah phungning loin a lutmi 13,400 leng le Broker 110 tlaih a si tiah Thai palik nih an thanh.

Na ruahning rak langhter ve.. (Leave a comment)

%d bloggers like this: