Myanmar Ramchung Internet Data Hmannak Lei A Thangcho Bik Cu Chin Ramkulh A Si
City Hunter| 2018 May 29| Telenor nih an thanhchuahmi Internet data hmannak lei ah a thangcho bikmi peng 15 cazin ah Chin ramkulh in Tonzang peng hi an si.
2018 January in April kar thla 4 chung internet data hmanning zohchunhnak an tuah. Pengkip hoih in chekhlatnak an tuah tikah Myanmar ramchung vialte lakah internet data a hmang bikmi hi Chin ramkulh an si tiah Telenor nih an thanhchuah. Chin ramkulh Tonzang peng hi tukum chung ah let 700 hrawng tiang in internet data a hmangtu an karhcho.
Internet data hmannak lei ah a thangcho bikmi peng hna cu; Shan ramkulh, Chin ramkulh, Rakhine ramkulh le Sagaing ramthen in an si. Shan ramkulh Hupung peng nih data an hmanzat hi leet 201, Shan ramkulh Maukmay peng nih dat an hmanzat hi let 16, Rakhine ramkulh Maungtaw peng nih data an hmanzat hi let 12 a karh.
Data hmangtu an karhchonak a taangmi peng hna cu; Chin ramkulh, Thantlang peng, Matupi peng, Tedim peng, Shan ramklh Kuanlung peng, Jaythi peng, Linkhay peng, Moekaung peng, Sagaing ramthen in Banmauk peng, Khanti peng, Hummalin peng le Kachin ramkulh in Machain peng hna an i tel.
Ref: Duwun
