Myanmar ramchung ralzaam sing 8 leng caah bawmhnak Britain Embassy nih a pek
The Chinland Post | 2022 October 18 — Myanmar ramchung innlo a zaamtak mi telh in 2022 chungah Myanmar ram pumpi minung sing 8 leng caah eidin le ngandamnak lei bawmhnak cu Myanmar ram he pehtlai in UK Embassy nih a rak pek tiah October 16 ah a thanh.
October 16 ah a tla mi World Food Day ah UK cozah le bawmhnak a petu phu pawl nih Myanmar ram mipi caah a bawmhnak a pek tiah Facebook cungah a thanh.
Myanmar ram chung a hlatnak le umkal a harnak pawl ah a um mi hna, harnak a tuar khunmi hna caah UK cozah Funding Program in bawmhnak kan pek hna tiah a thanh. Myanmar ram mipi hna nih eidin an i harhnak hnga lo UK cozah nih biakamnak a tuah tiah UK Embassy nih a thanh.
Myanmar ram caah rianrang in a herhmi bawmhnak dah ti lo adang bawmhnak zapi cu 2021 February thla ah ralkap nih hramhram in uknak a lak hnu ah an dirter chung. SAC ralkap he aa pehtlai mi Company pawl zong UK cozah nih phihkharnak cazin ah a telh hna.
About The Author
