Myaung peng, Nabat khua pawng PDF sakhaan pakhat an luh hnawh hna, PDF 1 a nunnak a liam
The Chinland Post | 2022 September 23 – Sagaing ramṭhen, Myang peng, Nabat khua pawng ah a ummi PDF phu Sagaing pengkomh battalion 6, Captain Nay Toe hruaimi Guerrilla phu umnak sakhaan cu September 22 zinglei sml 5:00am hrawng ah SAC ralkap phuhnih nih an luh hnawh hna i sakhaan an hrawh dih tiah thawng theih a si.
Phuhnih in a rak lutmi SAC ralkap le PDF karlak ah kahdohnak a chuak i Captain Nay Toe phu i a hawikom phu Captain Taw Htun phu (MBTT) in hriamtlai 1 a nunnak a liam tiah Captain Nay Toe phu sin in theih a si.
“Chaklei in 40 hrawng, thlanglei in 70 hrawng in an rak lut. Sakhaan chungah hriamtlai 50 hrawng kan um. Kahdohnak 3mins hrawng a chuak. Sakhaan a kan hrawh piak, tangka le bomrap sernak thilri, kuttuah meithal 3 an lak” tiah Captain Nay Toe Guerrilla phu nih Khit Thit ah a chim.
Sakhaan luh hnawh an ton ruangah mipi hriamtlai hna hnu an kir. Sakhaan chung hmanmi thilri, bonrap sernak thilri, tangka sing 20 tiang a zapi te sing 150 leng man an sung tiah theih a si.
About The Author
