Myawaddy Peng Palek Sakhaan, GAD Zung Cu Drone In Bom An Thlak Hna I SAC Ralkap 11 Leng An I Hliam
The Chinland Post | 2023 September 4 — Karen ram, Myawaddy peng ah a um mi palek sakhaan, GAD zung hna Drone in bom an thlak hnawh hna i SAC ralkap le palek 11 leng an i hliam tiah khuami nih Maung Media ah an chim.
September 3 zaan sml 7:00pm thawk in Myawaddy khuachung palek sakhaan, GAD zung hna cu bom an thlak hnawh hna i bom puah thawng nih khuapi a tlerh ko, SAC lei 11 an leng hliam an tuar bantuk in mizaw phor mawṭaw le ralkap mawṭaw pawl an i chawk len tiah theih a si.
“Myawaddy khuachung palek sakhaan ah puahkeh thawng voi 2 theih a si. Drone in an rak thlak. Ruah a sur ko nain a puah thawng a thang taktak. Bom a puah hi voi 4 a si. Zaan sml 7:30pm ah voi 2 a puak ṭhan. Zaan sml 7:00pm ah voi 2 a puak” tiah Khuami hna nih Maung Media ah an chim.
