Myebon peng ah SAC ralkap le AA karlak ah kahdohnak a chuak

The Chinland Post | 2022 April 14 – Rakhine ram, Myebon peng, Watkaung khua pawng, April 13 ah SAC ralkap le AA karlak ah kahdohnak a chuak tiah Western News nih a langhter.

April 13 chun hrawng ah Myebon khua in meng 5 aa hlatnak Myebon-Minpya lam cungah a ummi Watkaung khuapawng siidawr pawngah SAC rallap le AA karlak ah kahdohnak a chuak tiah khuami hna nih Western News ah a chim.

SAC ralkap nih Myebon peng, Watkaung khua pawngah a luancia April 10 ah thazang 30 hrawng hmunhma an khuarnak hmun ah AA an rak lut i kahdohnak a chuak tiah Myebon khua Former Pyithu Hluttaw Representative U Phe Than nih Western News ah a chim.

Cu kahdohnak cu caan tawite lawng a si. Hriamngan thawng cheukhat lawng theih a si i a dai colh tiah U Phe Than nih a chim.

Cu kahdohnak ruangah aa khawngdengmi an um le um lo theih a si lo, Kahdohnak hmunhma cu kaphnih ralkap nih hmunhma an lak caah khuami hna an chuak ngam lo tiah a langhter.

Na ruahning rak langhter ve.. (Leave a comment)

%d bloggers like this: