July 24, 2024

Myingyan Kahdohnak Ah SAC Lei 40 Nak Tlawm Lo An Thi

0

The Chinland Post | 2024 June 26 — Mandalay ramṭhen, Myingyan pengkomh ah ni 24 chung kahdohnak a chuak i SAC lei 40 nak tlawm lo an thi, Major 1 telh in ralkap 5 a nung in an tlaih hna, hriam zuun 21 le kuanzen pawl zong an lak khawh tiah theih a si.

June 2 in June 25 tiang Mingyan pengkomh ah mawṭaw in aa chawk i mipi a ngia mi SAC ralkap pawl cu PDF phu fonh pawl nih voi 12 leng an kah hna i SAC lei 40 nak tlawm lo an thi, Major 1 telh in 5 a nung in an tlaih hna tiah Natogyi PDF nih an thanh.

Kahdohnak chung in RPG-7 zuun 1, Machine Gun zuun 1, 45MM hriamngan 1, meithal zuun 4, MA2 meithal zuun 1, MA3 meithal zuun 4, G3 zuun 5, Uzi zuun 2, MA5 pistol zuun 2, kuan 3,000 leng le adang kahdohnak thilri pawl zong an lak khawh tiah theih a si.

Kahdohnak chung ah Myingyan pengkomh B04, Natogyi PDF, MDY-PDF, Myingyan peng PDO, Myingyan pengkomh Drone phu le Myingyan pengkomh hriamtlai phu tampi an i bawm hna tiah theih a si.

About The Author

Na ruahning rak langhter ve.. (Leave a comment)