Myittha Tiva Tlang Vawlei A Cimh Caah Inn 60 Leng An Thial Ter Hna

TCP-Online| 2018 September 1| Kalay peng Myittha tiva tlang vawlei a cimh caah pawngkam um Taungoo khua inn 60 leng in minung 250 cu cozah lei nih umnak an thial ter hna.

Taungoo khuate cu Myittha tiva tlang pawng ummi khua a si i kum chiar nawn tiva tlang vawlei an cim tawn i inn zong an thial tawn hna. Nain tutan cu tiva tlang vawlei a cimh ning a fah deuh caah an khua chung in pe 3000 hrawng ti nih vawlei a lak i a cimh caah kum dang nakin a fak deuh khun ti khuami hna nih an chim.

“Ih zong ka it kho lo. Rawl zong aa ei kho lo. Kan khua mah ti ningin ti nih a lak dih ding ka ruah ah hin. Cozah nih hin tiva tlang khi cim kho lo dingin tha tein kham hna sehlaw ti ka duh ngai” tiah Myittha khuami Daw Aye San Win nih a chim.

2017 kum lio zong khan tiva tlang vawlei cimh nakin inn 13 rak thial an si i cu aa thialmi hna zong cozah lei nih vawlei hmun an pe kho rih hna lo.

Mah Myittha tiva tlang kong le khuami kong hi cunglei cozah ah biatak in kan chim lai ti zong Kalay peng miang le tiva lei huchonak zung in Director U Myo Myint Myat nih a chim.

Ref; The Voice

Na ruahning rak langhter ve.. (Leave a comment)

%d bloggers like this: