Na-ta-la Nih Thantlang Khua Ti Khonnak 90 Galon 2000 Tlum An Bawmh Hna

0

Salai Elvis |2018 September 13| Thantlang khua caah Na-ta-la (ramri thanconak zung) nih ti khonnak 90 Galon 2000 tlum sang khat ah 30 cio bawmhnak an pek hna.

Hi bawmhnak cu Chin ramkulh dih lak khuapi pakua ah aa ruang te in bawmh an si i Thantlang khua chung sangthen pathum caah 90, sangkhat ah 30 cio tingin bawmh an si.

“Thantlang peng ah Belhar khua le Hnaring khuapi zong bawmh an si lai, hi rian kan tlamtlinh ko ahcun pehzulh in khuadang cio zong bawmhnak pek an si ve lai” tiah Thantlang na-ta-la zunglutlai U Naing Aung nih TCP ah a chim.
Thantlang khuachung an i then phawt ning cu sangthen pathum chungah mihar sa deuh timi an thim hna hnu ah cu hna cu an pek hna i an inn cio ah rem tein a tuahnak thilri tiang in Na-ta-la nih an tawlrel piak hna lai.

“Khua chung nan sang cio ah a um mi mihar sa deuh timi hna kha nan thim hna lai i cu hna cu nan pek hna lai an kan ti caah sangkhat ah 30 cio cu mihar sa deuh pek an si ko lai. Kan nih sang chung zong minung kan thim dih cang hna, thilri va thoh i pek lawng a tang ko” tiah sangthen No.1 khuabawi Pu Van Tlir nih TCP ah a chim.

Hi ti khonnak cu zuar chin lo ding le khuabawi le tuanvo ngeitu hna nih i lak lo ding zong theih ternak tuah an si.+++

About The Author

Na ruahning rak langhter ve.. (Leave a comment)

%d bloggers like this: