Naga Ah Tangfah Tlangrai A Tlung I Ngakchia Pathum An Thi Manh Cang

0

TCP-Hakha| 2018 November 1| Sagaing ramthen, Naga uknak hmun khuate pakhat ah tangfah zawtnak tlangrai a tlung i kum hnih tang ngakchia 40 hrawng nih zawtfahnak an tuar i ngakchia pathum an thi manh cang.

Hi zawtnak cu October 27 in aa thawk i October 31 tiang ah zawtnak a tuarmi ngakchia pathum an thi manh cang. Ngakchia dang zong an herhmi sii-ai in thlopbul colh an herh tiah bawmhchanhnak riantuantu Ko Law Toe nih a chim.

“An thaw an chuah kho lo, an tangfak i an khuh. Khuazei hmanh in bawmhnak an hmuh lo caah thinphang an si” tiah Ko Law Toe nihcun a chim.

October 31 tiang ahkhan ngakchia 3 pehtlai in an thi manh cang. Ngakchia hi an tangfak i an khuh. Atu ahhin ngakchia dang 5 an ngandamnak kong ah thinphang ngaingai an si, an zual tuk. Ngakchia dang zong sii-ai in thlopbul zohkhenh an herh tiah Ram Naw Sangri khuakomh in khuabawi U Na Wun nih a chim.

August thla zong ahkhan taklinh, chungtlik tibantuk tlangrai zawtnak ruang ah ngakchia 7 an thi tiah theih a si.
Ref: RFA, Mizzima

About The Author

Na ruahning rak langhter ve.. (Leave a comment)

%d bloggers like this: