Naga Miphun Nih Khamti Khua Aung San Zuklem Hunnak Ni Kal Lo Ding In An I Chim
Yangon, Myanmar - January 19, 2015: Monument of General Aung San with his horse in Yangon, Myanmar. He's considered Father of the Nation of modern-day Myanmar.
TCP-Online| 2018 July 13| Sagaing ramthen Khamti khua ah Aung San zuklem hunnak puai tuah an tim i cu puai ah cun Naga miphun pawl kal ve lo dingin Naga Nationalities Council nih an chim hna.
“Naga miphun min pakhat khat in siseh, pumpak zong in siseh, Naga thilthuam hna he Aung San zuklem puai tuahnak ah kal lo dingin kan chimh hna” tiah Naga Nationalities Council lutlai Athong Makury nih a chim.
“Kawlram ah a biapimi buaipi ding le tuah ding a tampi ko. Khuachung ah buainak a chuahtertu ding thil pakhat khat cozah lei nih an tuahawk a si lo. Hiti an tuahnak sa cun tlangcung miphun hna kan nunphung pawl hmanh a thancho naklai kan tuahpiak deuh sehlaw a tha deuh” tiah a chim chap.
Khamti khua Aung San zuklem chiah ding cu atu hi Khamti tiva kam a phan cang. Khuachung ah zuklem hunnak puai cu July 21 ni ah an tuah te lai ti kan theih.
Ref: The Voice
About The Author
