Naga Paih Ah Rung Lian Ceu Nih Pathumnak Le Paih Thiam Laksawng A Co
The Chinland Post| 2019 March 7| March 7, Nagaland state, Kohima ah tuahmi avoi 12nak Open paih zuamnak ah Rung Lian Ceu nih pathumnak le paih thiam bik laksawng phun hnih a co.
Pathum laksawng hi anmah India tangka in Rs. 100,000 le Paih thiam bik (the best tactic wrestler) laksawng ah Rs. 10,000 a co. Kawlram tangka in cun Ks. Sing 22 (2,200,000) tluk a si.
Champion cotu hiMenuosetuo Yiese a si, Rs. 200,000 a co. Pahnihnak hi nikum champion Venuzu a si, Rs. 150,000 a co. Chinmi minung 5 an i pai i Tluang Zel Thang le Thawng Tling hi minung 62 paih a round khatnak ah an sung colh. Mang Hnin Thang le Hrang Tin Thang hi minung 30 paih, a round hnihnak an sung. Rung Lian Ceu cu semi final tiang a kai i pathumnak a co.
Hika Rung Lian Ceu nih pathumnak aa cuh lio aa paihnak video zoh khawh a si.
“Tutan Naga paih bual chungah Rung Lian Ceu tha pe mi deuh an si hna. Minung zong kan tam Naga miphun le a dangdang hna nih an rak uar tuk, a pum rua, a muisam, a thawn ning le paih a thiam ning an hmuh tikah hin an uar khunnak a si” tiah Naga paih a kal ve mi pakhat nih nih TCP ah a chim.
Rung Lian Ceu hi quarter final ah pakhat pa a tei ko nain tei lo i an chiah ruang ah a coach pa nih duhlo in complain a tuah i record an zoh than hnu ah tei ah an chiahpiak than.
Tutan Naga paih ah Chinmi minung 17 an kal kho. Chin Miphun nih miphun dang le ramdang ah a hmasa bik kan i paih a si. Paih a zohtu zapi hi minung thong 30 (30,000) hrawng an si. Paih hi alak in zoh a ngah lo, tangka liam in zoh a si. A niam bik Rs. 100 a si i Rs. 2000 in siseh, Rs. 1000 in siseh, Rs. 500 tibantuk in zohman laak an si tiah kan theih.
About The Author
