Nanphalung Ah Chikhat Hmang Chun Ding Dawr Khan Pawl Tu Thla Chungah An Lim Lai
TCP-Online| 2018 March 15| Nanphalung Bazar kanghnak ruangah dawr khan 50 tluk ciam dih lakin a rak kangmi India-Myanmar ramri um Nanphalung bazar ah chikhat hman chung dingin an tuah cuahmahmi dawr khan cu tu thla chung ah lim a si te lai tiah Tamu Sipin lutlai U Thein Win nih a chim.
A luancia February 7 ni mei kanghnak nih Nanphalung Bazar dawr khan 53 leng cu mei nih ciam dih lakin a rak khangh. Dawr khan pawl a tharin sak than a si hlan chung chikhat in hman chung ding dawr khan fami tete cu an sak cuahmah lio a si i dawr khan pakhat ah pe 10 tluk a tung phei kaumi a si.
Hi dawr khan chikhat chung hmannak ding ca hin Sagaing ramthen cozah nih Budget Kyats sing 210 an pek i a lenglei in Kyats sing 10 bawmhnak in kan kan tuahmi hna a si tiah U Thein Win nih cun a chim.
Nanphalung Bazar cu 1995-96 kum ah phungningte in ramri bazar ah rak hunmi Bazar pakhat a si i mah Bazar cu India le Myanmar ramri ah cun a ngan bikmi Bazar zong a si.
Ref:The Voice
About The Author
