NAPC Paih Zuamnak Ah Uk Ling Thang Nih Zatlang Le World Champion Laksawng Phunhnih A Co

Tawk Tling Thang| 2019 February 10|  NAPC (North America Paih Committee) tawlrelnak in February 9, Indianapolis ah tuahmi zuamcawh paih zuamnak ah Hniarlawn pathawng Uk Ling Thang nih zatlang paih he kemhchih in World Champion laksawng zong a co chih.

Zatlang paih ah Hniarlawn pathawng Uk Ling Thang nih bual a co. Cu pin ah zuamcawh paih zong ah Hniarlawn khuami veve Thawng Lian le Uk Ling Thang an i pai i Uk Ling Thang nih a tei caah world champion a co than. NAPC pekmi laksawng in Uk Ling Thang nih $9000 (Kawlram tangka in tuak ahcun sing 135 tluk) a co.

Tambik teitu hi Biak Hmun Sang a si (16 ), paih dawh bik hi Lal Rem Ruat, Zuamcawh pahnihnak ah Thawng Lian a si tiah kan theih.

Hika ah a hnubik zuamcawh an i paihnak video zoh khawh a si.

2019 kum NAPC paih zuamnak ah laksawng co zat cu;

World champion               : $ 7000

Zuamcawh pahnihnak        : $ 3000

Zatlang bualco                     : $ 2000

Tambik teitu                        : $1000

Paih dawhbik                       : $ 500 laksawng an pek hna.

Tukum NAPC paih zuamnak ah US chung lawng si lo in hmundang kadang a ummi paih thawng pawl zong an sawm hna i an i tel kho.

Nikum bualcotu hna

Nikum (2018 kum) NAPC paih zuamnak zatlang ah bualcotu cu Hriphi khuami Sang Hlei Thang a si. Zuamcawh paih ah World champion a cotu Halkha in Sui Chan a si. Minung tambik a teitu le paih dawh bik laksawng cu Mang Biak (Zophei) a si, minung 12 a tei hna.

Leave a Commnet

%d bloggers like this: