Natchaung khua kahdohnak ah SAC ralkap 7 hrawng an thi, PDF 1 a nunnak a liam: CNDF
The Chinland Post | 2022 June 4 – Kalay peng, Natchaung khua ah hmunhma a khuarmi SAC ralkap pawl cu CNDF phufonh hna nih ni 2 chung an kah hna i kahdohnak chungah SAC ralkap 7 hrawng an thi, PDF 1 a nunnak a liam i 2 nih hliamhma an tuar tiah theih a si.
June 1 zongah Natchaung khua ah hmunhma khur in Natchaung, Natmaung, Chaungkhwa khua 3 hna ah cawlcanghnak a tuahmi SAC ralkap 150 hrawng le mipi hriamtlai phu karlak ah kahdohnak a fak ṭhan.
SAC ralkap pawl nih thlanglei Kalay ah a ummi khuate hna cu thazang tampi he cawlcanghnak a tuah i a ruang um loin mei a khanghpiak hna, ramlak ah a zaammi hna cu hriamngan in a kah hna caah kum 5 hngakchia telh in ralzaam 4 fak piin hliamhma an tuar tiah theih a si.
Cawlcanghnak a tuahmi SAC ralkap pawl cu Vakok (CNDF), PDF-Kalay, RKDF, CDF-KKG le mipi hriamtlai phu hna foh in an kah hna hi a si.
A tulio caan ah, SAC ralkap pawl nih thazang 300 hrawng he kahdohnak an tuah caah kuan a rannak in kan herh ko. Mipi hna nih a herhmi kuan na kan bawmhnak lai zangfah kan in nawl hna tiah CNDF nih bawmhalnak a tuah chih.
About The Author
