Natogyi Kahdohnak Ah SAC Lei 30 Leng An Thi
The Chinland Post | 2024 August 14 — Mandalay ramṭhen, Natogyi khua lak kahdohnak ah SAC lei 30 leng an thi i pathum a nung in an tlaih hna, hriam phun 27 an lak khawh i PDF hriamtlai pakhat nih a nunnak a pek tiah Natogyi PDF, Myingyan pengkomh No. 4 Battalion nih thawng an thanh.
August 10 zinglei sml 5:30am thawk in PDF lei nih phu 5 ṭhen in Natogyi khuachung ah SAC ralkap nih hmunhma a khuarnak Aye sianginn, Rianṭuannak zung, biaceih zung, GAD zung, palek sakhaan le khua ni chuahlei gate hna cu hmakhat te ah an kah hna, kahdohnak chung ah SAC lei 30 leng an thi i 3 a nung in an tlaih hna, hriam zuun 27 an lak khawh tiah theih a si.
Kahdohnak chung ah Myingyan pengkomh No. 4 battalion Company Commander Ko Tun Htet a nunnak a liam, SAC lei nih vanlawng in voi tampi kahdohnak a tuah caah khua veng kho lo in an kir tak tiah theih a si
Natogyi khua lak kahdohnak chung ah Natogyi PDF, NRDF, Natogyi peng hriamtlai phu pawl, Tadaoo peng hriamtlai phu, Myingyan peng drone phu (MDDS) hna an i bawm tiah theih a si.
About The Author
