Nawi Dam Tuahnak Kong Ah Chin Zatlang Phu 48 nih Chin State Cozah Sin Ah Ca An Kuat

0

Salai David Van| TCP-Hakha| 2021January 15| Nawi Dam tuahnak kong ah Chin Zatlang Phu 48 nih January 14, 2021 ah Chin Cozah sin ah Ca  an kuat tiah theih a si.

Hi kong he pehtlai in Chin Zatlang Phu 48 chungin chimphuannak nawl ngei Salai Biak Lian Thang nih “ A tu bantuk in Chin Cozah hna sin ah ca kan kuatmi hna hi kanmah duhnak lawng hmai suanter si loin ningcang tein Hakha vawlei umtuning le thilsining kan dothlat hnu ah kan kuat mi hna a si. 2015 lio khan Ko Mang thlichia ruangah Hakha rawhralnak fak ngai in kan rak tong cang, cun nai te zongah nilinh nak fak ngai in a chuak i hakha rawhralnak kan tong hoi. 2015 lio Hakha rawhralnak kan ton hnu ah vawlei umtuning zohtu thiamsang (Geologist) pawl nih an chim mi cu hakha vawlei hi lei hngat a si lo, lungneknawi lungsamat aa cawhmi vawlei a si caah luti luan nak tha tein nan tuahpiak a hau, cu locun ruah a sur caan ah hakha vawlei caah tih nung a si kho tiah an rak chim cang.Nawi Dam hi a san pe 100 leng,vawlei ekah 1000 leng a kau mi khi tidil pi nih a chilh ding a si lai caah thiltha le thanchonak cu an I tinh ko lai nain Hakha vawlei le pawngkam caah rawhralnak a chuahpi sual lai maw ti kan phan caah ca kan kuat nak hna a si dtiah” The Chinland Post ah a chim.

“Hi kan cakuat ah hin Chin Cozah nih mipi sin ah fiangfai tein langhter hna seh ti kan duhmi phun(5) a um.

(1) Nawi Dam nih biapi bik in a tinh mi mipi sin ah tling tein langhter ding

(2) Initial Environmental Examination, Environmental Impack Assessment le Social Impact Assessment pawl tling tein tuah hna sehlaw mipi sin ah langhter ding

(3) Nawi Dam Project Design, hman an timhmi phaisa fang dihlak le hman an timhmi phaisa hrampi (state budget or Union budget) kha fiang tein mipi sin ah langhter ding

(4) Nawi Dam hi dinti caah hman an timh ahcun zeibantuk thiamnak(Technology,Tools) in dah an tuah lai, ti ngah nak ding a rauh caan ruahdamh le an hman ding phaisa le phaisa hrampi kha fiang tein mipi sin ah langhter didng

(5) A cunglei kan langhtermi pawl an tuah cikcek dih tik ah hi project an tuahnak ding hmun pawl le project i a phak khawh nak hmun pawl i lei , lo ngei pawl telh in Hakha mipi ruahnak hal hnu ah le project an thok taktak tik ah a cunglei phichuak pawl tha tein an zulhnak lai cu kan cakuat ahcun tha tein kan langhter. Cun Cozah cu mipi kan cozah, mipi nih kan thimmi hna an si ko caah a cunglei kan cakuat hi an kan tuahpiak ding kan zumh ko lai tiah” TCP ah chim chap.

Chin State cozah sin Cakuat nak ah lungtlinnak min a thu mi Phu 48 hna cu 1.Bridge International 2.Cawbuk Mino 3.Central Chin Youths Organization(CCYO) 4. Central for Development and Social Studies(CDES)5. Chin Center For Peace&Reconciliation (CCPR) 6.Chin CSO,Forum 7.Chin Education Initiative(CEI) 8. Chin Foundation 9. Chin Human Rights Organization(CHRO) 10. Chinland Action Network 11.Chin litrerature and Culture Committee(Universities-Yagon) 12. Chin litrerature and Culture Committee(Yangon-University) 13. Chin MATA Working Group14. Chin Oo Sii Mino15. Chin Students’ Union of Myanmar 16. Chin University Students’ Fellowship – Paletwa 17. Chin Women Organization Hakha 18. Chin Youth Network (CYN) 19. Chin Youth Organization – Hakha 20. Chin Youth Organization – Matupi 21. Chinbridge Institute 22. Chinland Natural Resource Watch Group (CNRWG) 23. Chokhlei Organization for Rural and Agriculture Development (CORAD) 24. Falam Mino Pawlkom 25. Falam Phunsang Tlawngta Pawlkom – Hakha (FPTP) 26. Hakha Khuanu Khuapa 27. Hakha University Students’ Organization (HUSO) 28. Hakhathar Youth Organization 29. Keisih Mino 30. Keitheibo Mino 31. Khonumzung Rural Development Organization (KRDO) 32. Khuathar Foundation 33. Lai Sianghleirun Siangngakchia Bu, Kalay (LSSB) 34. Lai Sianghleirun Siangngakchia Bu, Monywa (LSSB) 35. Lai Sianghleirun Siangngakchia Bu, Yangon (LSSB) 36. Mara Students’ Organization 37. Matupi University Students’ Fellowship (MUSF) 38. Mindat University Students’ Union (MUSU) 39. Open Development Foundation (ODF) 40. Technical Students’ Union – Hakha 41. Tedim Youth Fellowship (TYF) 42. Thantlang Sianghleirun Chungkhar (Thantlang University Students’ Organization) 43. Thantlang Youth Association (TYA) 44. Third Eye Organization 45. Victoria Academy 46. Youth Corner (YC) 47. Shalom Social Development Organization 48. Hakha University Students Union hna an si tiah theih a si.

About The Author

Na ruahning rak langhter ve.. (Leave a comment)

%d bloggers like this: