Nawnghkio Peng Thong Sakhaan 4 TNLA le PDF Mandalay Nih An Lak
The Chinland Post | 2023 November 20 — Shan ram, Nawnghkio peng ah a um mi thong sakhaan 4 cu TNLA le Mandalay PDF nih an lak tiah NUG Ministry of Defense nih thawng a thanh.
November 19 ah Shan ram chaklei, Nawnghkio peng ah a um mi Lwingyi thong sakhaan, Kyo-inn thong sakhaan, Kho-hu thong sakhaan, Konesan thong sakhaan 4 cu TNLA le PDF Mandalay nih an lak hi a si.
Kahdohnak chung in MA-11 zuun 50, MA-12 zuun 9, MA-5 zuun 13, Shot Gun zuun 32, 5.56 kuan 82,458, 9MM kuan 511, 12 Bolt kuan 1,592 le adang kahdohnak thilri pawl an lak khawh tiah theih a si.
About The Author
