Naypyidaw SAC Ihkhun 1000 Sii-inn ah Ralkap Kutke A Bul Mi Thlahnih Chung Ah 200 Leng An Um
Salai Mangpau | July 17, 2023 |
Naypyidaw SAC Ihkhun 1000 tlum Sii-inn ah kutke a bul mi ralhrang thlahnih chung ah 200 leng an um tiah SAC rakap chung thawng petu sin in theih a si.
Ralhrang lei hliamtuar hna hi Shan ram thlanglei le Karenni (Kayah) ramchung raldohnak ah aa tel mi an si hna i mipi ralkap nih Drone in kahnak ah atu bantuk in hliam a pu mi an si.
“Naypyidaw ralkap sii-inn pi cu a zualhma deuh mi (EA transfer) ti mi sii-inn pi a si, a mahnak a hme deuh mi ramchung SAC sii-inn hna nih an thlop khawh ti lo mi hna nih an rak phanhnak hmun deuh a si. Cucaah mah hliamtuar hna zoh tik ah Min Aung Hliang uk mi SAC ralhrang rual an sining hi “Naypyidaw in lungtuarnak thawng” a si tiah CDM ralkap Captain Thar Htet Nyein nih a chim.
Atulio SAC ralkap Sii-inn an umnak hna cu, ihkhun 1000 a umnak hi (Mingalardon le Naypyitaw), ihkhun 700 a umnak ( Pyin Oo Lwin le Aung Ban), ihkhun 500 umnak (Meikhtila le Yangon), ihkhun 500 operation tuahnak (Mingalardon), ihkhun 300 hngakchia le naungeihnak sii-inn (Mingalardon le Naypyitaw), Ihkhun 300 a umnak (Myitkyina, Ann le Kengtung), ihkhun 100 umnak (Mongphyet, Baan, Indaing, Bahtoo, Myeik, Pyay, Loikaw, Namsam, Lashio, Kalay, Mongsat, Dawai, Kawthaung, Laukai, Thandaung, Magway, Sittwe, and Hommalin), le mah battalion kip ah ngandamnak lei he aa pehtlai mi sii le zohkhenhnak hmun an um cio.
