Naypyitaw thonginn ah kuat a simi State Counselor Aung San Suu Gyi thong zulhphung ning tein an ṭhutdir ter

The Chinland Post | 2022 June 24 – SAC nih sualnak tampi phawt a si hnu ah Naypyitaw thonginn ah kuat a simi State Counselor Aung San Suu Gyi cu a dang tein umter a si ko nain adang thongtla bantuk in thong chung zulhphung ning tein an ṭhutdirter tiah theih a si.

“Thongtla nu pakhat bantuk in umter ding in nawlpek a si. Thongtla angki hrukter, a leng chuah caan, tikholh caan, meihmih caan tibantuk kha thong zulhphung ning tein a zul ve lai. Eidin hi zeitindah an pek lai ti cu theih a si rih lo. Thong zulhphung ning tein an ti ahcun adang thongtla bantuk in an pek men lai” tiah Naypyitaw thawngzamh pakhat nih a langhter.

A ngandamnak caah cun, Daw Aung San Suu Gyi caah sibawi adang tein chiahpiak a si i nifatin in a ngandamnak zohkhenhpiak a si i thilsining kha Minister of Home Affairs Soe Htut sin ah thawngthanh a si lai theih a si.

Na ruahning rak langhter ve.. (Leave a comment)

%d bloggers like this: