New York khua ah NUG Ministers le NY Myanmar rammi hna tonnak an ngei

The Chinland Post | 2022 April 14 – American, New York khua, Win Shwe War Hall, April 14 ah NUG Ministers le New York um Myanmar rammi hna tonnak an ngei tiah theih a si.

Myanmar ram ah, Min Aung Hlaing le a ralkap pawl nih hramhram in uknak lak an i timh ruangah mipi ngeihmi thilri le mipi covo vialte sungh dih a si. Cucaah, NUG he ṭangṭi in zalonnak ca le Federal ramkomh ser khawhnak caah a ṭhabik in zeitindah a ṭhabik in kan ṭuanṭi khawh lai timi kong he pehtlai in NUG Minister of Human Rights U Aung Myo Min le Deputy Minister of Foreign Affairs U Moe Zaw U nih fianternak an ngeih hna.

A rak kai khomi nih Minister of Human Rights U Aung Myo Min le Deputy Minister of Foreign Affairs U Moe Zaw U an rian kong he pehtlai in biahalnak an ngeih hna. New York um Myanmar rammi 100 leng an rak kai kho tiah theih a si.

Na ruahning rak langhter ve.. (Leave a comment)

%d bloggers like this: