Ngakchia Nih An Covo Tha Tein A Hmu Kho Lomi Ram 172 Lakah Kawlram Cu 112 Nak Ah A Dir

Salai Bawi Lian Sang|TCP-Kalay| 2020 October 6| Ngakchia nih an covo tha tein a hmu/co kho lomi ram 172 ah Kawlram cu 112 nak ah a dir tiah Save the Children nih a chim.

Save the Children nih ngakchia covo kong ah dothlah in cazin an lak ning ah cun; thlop khawh a simi zawtnak, chikhat/ruahlo pi in a thimi, kum tlinglo in chungkhar dirh tu, kum 10 tang nau pawimi le hramhram in thimhumhnak a tuahmi, sianginn kai can ah sianginn kai ti lo in rian a tuanmi le ngandamnak lei a chan baumi hna ti in an thim hna i ngakchia minung sing 700 sin dohlat an tuah hnu in mah thimnak le thawngzamhnak hi a tuah mi a si.

Hiti an thimmi chung in Norway ram cu ngakchia covo lei ah a tha bik ram a si i Africa ram lei hi nuhrim covo a buar cemmi an si. Nichuahlei Asia ram in Kawlram tang ah India, Laos le Bangladesh ram hna an um i Kawlram cung ah cun Tuluk le Thailand ram hi an si tiah Save the Children cazin ning in theih khawh a si.

Ref: The Voice