Ngwetaung rawl dawr rianṭuantu pawl nih an velh ruang ah hriamtlai Tha Din a nunnak a liam

0

The Chinland Post | 2023 January 24 — Yangon ramṭhen, South Okkalapa peng, Thantuma lam cung ah a um mi Ngwetaung rawl dawr rianṭuantu pawl nih an velh ruang ah Freelance Attack Force chungtel pakhat a nunnak a liam tiah theih a si.

January 21 chun sml 12:00pm hrawng ah South Okkalapa peng, No.14 sang khuabawi zung cu khuachung kahdohnak a tuahtu phu nih bom an puah i an kirlei ah a pawngkam Ngwetaung eidin dawr rianṭuantu pawl nih Mission a tuah mi hriamtlai pawl an tlaih hna i an velh hna hi a si.

Hriamtlai Tha Din hi an tlaih i an velh tuk caah a nunnak tiang a liam hi a si. Cucaah SAC a cohlangtu pawl nih hramhram in an tlaih lawng si lo in a thih tiang an velh caah Ngwetaung rawl dawr cu ralrinnak ca an pek hna.

Ngwetaung rawl dawr i rianṭuantu pawl nih an tlaih/velh ruang ah a nunnak a liam mi hriamtlai Tha Din caah Ngwetaung rawl dawr he aa pehtlai mi poah cu doh nan si lai tiah Freelance Force – FLA nih a thanh.

About The Author

Na ruahning rak langhter ve.. (Leave a comment)

%d bloggers like this: