Ni 40 Rawlulh Nakin Disciple Group Chungtel Saya Kyaw Kyaw Mual A Liam
Salai Cung Cung |2018 August 7| Thlantlang peng Horeb tlang ah ni 40 rawl a ulh dih hnu August 7 ah Saya Kyaw Kyaw mual a liam tiah kan theih.
“Saya Kyaw Kyaw hi Tamu ah ummi asi i anupi min ah Iangku ti asi i fapa pakhat a ngei cangmi asi. Anih hi tu ah avoi 2nak rawl a ulhnak asi cang. Kan hnu kum ah khan ni 20 hrawng a ulh cang le tu hi avoi 2nak ni 40 a ulh dih hnu, Horeb tlang ah ni 4 an thlop hnu ah atu bantuk in a thih hi asi. Hi rawl ulh thlacaamnak ah hin amah lawng si lo in a hawi pakhat ni 40 a ulhmi ve a um, cucu Calvary Baptist Church Pastor Tha Peng Lian he ni 40 tiang rawl ulh in Horeb thlacaamnak tlang ah thla an caam” Saya Peter Hram Bik nih The Chinland Post ah chim.
Kyaw Kyaw hi Disciple Group chung ah riantuan lio mi asi. A khua hi Tamu asi i Hakha ah um mi a si. A thihnak a ruang hi, ni 40 chung rawl a ulh dih in inn lei a tlun hnu ah a si. Saya Kyaw Kyaw cu ni 40 hnu ah a rawl ulh thlacaamnak Horeb tlang in a rak chuak i rawl a eimi a thazaang nih a chei ti lo caah August 7 ah tu bantukin a thihnak hi a si tiah kan theih.
About The Author
