Ni 6 Chungah Falam Pawngkam In Lihninhnak Voi 3 A Cang

TCP-Thantlang| 21 April 2020| Chin ram chungah ton bal lo mi khuaruah har in ni 6 chung ah Lihninhnak voi 3 a cang, cu hmun cu Falam khua pawngkam hrawng ah a si tiah Earthquake Information zung nih thawngthanhnak a tuah mi cazin ning in theih a si.

2020 kum April thal chung ah a tubantuk in Lihninhnak voi thum tiang a chuah hi a si. A voi khatnak bik a can cu April 16 zanlei suimilam 6:15 ah a si i 6.1 thazaang thawng ngai mi a si i thilri le inn a rawk mi tiang an um. A voi hninhnak April 17 zan suimilam 10:20 tluk ah a cang i 4.0 in thazaang a der deuh in a  cang.   Cun  a voi thumnak April 21 zanlei suimilam 5:58 ah a cang than 3.3 thazaang der deuh mi in a si than. Avoi hnihnak le a voi thumnak Li aa hninh nak ah thilri le a dangdang a rawk mi an um le um lo theih a si lo.

Avoi thumnak Lihninhnak Hmun le hma

Avoi khatnak bik Lihninhnak in thilri a rawk mi chungah Hakha in  Zion Biakinn le Bethel Biakinn a kak in aa rawk mi caah Chin ramkulh Chief Minister Pu Salai Lian Luai nih Church Pastor sinah Ks. 500,000 cio bawmhnak an pek hna. Mah pin ah Falam peng in Varung sianginn khan vampang pahnih a cim, Hakha penguk zung thlalang awngka a kuai, Bizu thla lang 1, TV pa 2, Zungkip fonh (suh-pawng zung) Bizu thlalang 3, cauk chiahnak 2, ti chiahnak pung (gallon 2000 tlum) pakhat, dawr khan pakhat rawk, le a dangdang a rawk mi zong an um len tiah Ministry of Home Affairs zung cazin ningin theih a si. Mah pin ah Hakha  BEHS No. 1 sianginn  vampang a cim mi, Vampang a kak mi hna le a dangdang zong a rawk mi an um len hna.

Avoi khatnak Lihninh a can lio (April 16) Hakha BEHS No.1 sianginn aa rawk mi

 

Na ruahning rak langhter ve.. (Leave a comment)

%d bloggers like this: