Nichuah lei Ukraine i Luhansk hmunhma zapi tein kan tlaih dih cang tiah Russia nih a thanh
The Chinland Post | 2022 June 8 – Nichuah lei Ukraine ah a ummi Luhansk hmunhma vialte kan lak dih cang tiah June 7 ah Russia nih a thanh.
Asinain Ukraine nih a ralkap pawl cu hnukir loin Sevierdonetsk khua lamchung in Russia ralkap pawl kan doh lio hna a si tiah a chim.
Zarh tam ngai hrawng kahdohnak tuah a si hnu ah Luhansk hmunhma 97% cu kan lak khawh cang Russia Minister of Defense Sergei Shoigu nih a chim.
Ukraine President Volodymyr Zelenskky nih Sievierodonetsk khua ah Ukraine ralkap nih a sungh an pe rih lo tiah June 6 ah a chim.
Kahdohnak chungah a thimi an tam tiah Russia le Ukraine kaphnih nih an thanh.
February 24 raltuknak aa thok in Ukraine ralkap 6,489 tlaih an si i a luancia ni 5 chung lawngah 126 tlaih an si tiah Russia Minister nih a chim.
Ukraine President ruahnak a cheutu nih cun kahdohnak chung i sungnak le teinak thawngpang ruangah lungrawh loding in forhfialnak a ngeih.
