Nikhat Ah COVID-19 Zawtnak Minung 1400 Tluk A Chek Kho Tu Seh Yangon A Phan Chom Lai

TCP-Thantlang| 17 April 2020| Ni khat chungah COVID-19 zawtnak ngei le ngei lo a chek kho tu seh cu suimilam 24 chungah Yangon thicheknak zung a phan cang lai tiah ngandamnak zung in theih a si.

“Mah thi cheknak seh pi cu Bangkok in pe 40 tluk a sau mi motor in an vun phurh lio a si. Cucaah Yangon a phak nak ding ah cun suimilam 24 chung tluk a rau rih lai. Thaizing hrawng ah a phan te lai, fiangin chim awk a tha lo.”tiah ngandamnak zung lei tuanvo ngeitu Director Dr. Tan Naing Soe nih a chim.

COVID-19 zawtnak hrik a ngeih le ngeih lo cheknak seh cu Automatic in a dikfel khawh chungin chekfel a si lai i suimilam 8 chungah minung 380 leng le suimilam 24 chungah minung 1300 leng a chek kho mi a si lai Cobas 6800 Analyser seh he kawp le hmanti dingin zawtnak minung 1100 tiang a chek chih kho mi seh Reagent (made in USA) zong caan rau lo teah Kawl ram a phan chom ding a um rih tiah a cunglei upa nih a chim.

Cu seh cu US FDA lei nih tha tein a theih pi mi le Register tuah cia mi zong a si tiah kan theih. (Ref: News Watch)