Nikhat Chungah Voi 2 Tiang Lihninhnak A Chuak; Ni 7 Chungah Falam Pawngkam In Voi 5 Pehzulh In Li Aa Hnin

TCP-Thantlang| 22 April 2020| Chin ram chungah a cang bal lo mi thil khuaruah har in April 22 ni, nikhat chungah voi 2 tiang Falam khua pawngkam ah Lihninhnak a cang tiah khuati zohnak zungnih thawngthanhnak a tuah.

April 22 (zing suimilam 11:28) ah 3.4 thazaang der deuh in aa hnin i mah ni thiam ah pehzul in (zanlei suimilam 3:47) ah 4.0 thazaang a thawng deuh mi in aa hnin than. Suimilam 4 dan tluk ah voi hnih tiang aa hninh hi a si. Chin ram chung ah a tubantuk pehzulh in nikhat chungah Lihninhnak a can a um tuk rih lo.

April 22 (zing suimilam 11:28) ah a voikhatnak aa hninh ning

Khua ti zohnak zung nih thawngthanhnak a tuah mi cazin ningah Chin ramkulh Falam khua pawngkam chungah hin 2020 April 16 in 22 tiang (ni 7 chung) ah Lihninhnak voi 5 a cang.

A voi khat nak bik a can hi April 16 zanlei suimilam 6:15 ah a si i 6.1 thazaang thawng ngai mi a si, cucaah thilri le inn a rawk mi tiang an um. A voi hninhnak April 17 zan suimilam 10:20 tluk ah a cang i 4.0 in thazaang a der deuh in a  cang. A voi thumnak April 21 zanlei suimilam 5:58 ah a cang than 3.3 thazaang der deuh mi in a si than. Cun a voi linak cu April 22 zingsuimilam 11:28 ah a si i 3.4 thazaang der deuh ina  can hi a si. Avoi 2nak in avoi 5nak tiang cang mi chungah thilri le a dangdang aa rawk mi an um le um lo theih a si rih lo.

Na ruahning rak langhter ve.. (Leave a comment)

%d bloggers like this: