Nikhat Nihlawh 9800 Kai Terding Riantuantu Minung 5000 Leng Nih Lam Zawh In Duhnak An Langhter

Kawlram Nihlawhman Duhlonak langhter/Mizzima

TCP-Thantlang|2020 January 20| Minung pakhat ni khat ni hlawh a tlawmbik Kawlram tangka in 9,800 kai piak dingin January 19, Yangon khua ah riantuan tu minung 5000 leng nih lam zawh in duh nak an langter.

Kawl ram cozah pi nih phung ning in minung pakhat nikhat ni hlawh a tlawmbik 4800 pek hna ding in 2013 kum riantuan tu upadi ningin 2018 kum ah fehter nak a tuah. Cu a fehter mi cu Upadi ning in kum hnih luan hnu 2020 kum May thal chung ah remh ding zong a si.

“Riantuan tu hna kan ni hlawh tein kan inn chungkhar cio khimso tein paw kan i cawm khawhnak ding caah a tu bantuk in kan duhnak lam zawh in kan aupi hi a si”tiah Tuluk pa ngeih mi Kyia-way tilthitnak sehzung riantuan tu nu Aye Aye Than nih a chim.

“Kan riantuannak ah hin Over Tme (OT) he cun thlakhat chungah 280,000 lawng kan hmuh. Cucaah sehzung riantuan tu hna nih cun inn hlan man, ti le mei man kan pek pin ah, khualei ah chungkhar ka nu a dam lo, a tangmi te cu chungkhar lei kuat an si  tikah zeitihmanh in khimso tein kan i cawm kho ti lo.” tiah a chim.

2019 kum World Bank report ca chungah  Kawlram cung thilthitnak sehzung telh in ramleng lei nih Invest tuah mi an tam pi ko nain riantuan tu hna nih pawcawmnak tlak tiang in an hmu kho lo tiah riantuan nak kong he pehtlai in thiangsang pakat nih a chim.

Riantuan tu hna ni hlawh pekmi a tlawm tuk tikah ramleng lei in Invest tuah tu hna zong nih ruah lo pin ngol khawh an fawi ngaingai caah thinphan awk ngai zong a si tiah sipuazi lei thiamsang hna nih an hmuhchuah. (Ref: Mizzima)

 

Na ruahning rak langhter ve.. (Leave a comment)

%d bloggers like this: